Jaartemas vir Kinders Gr 1-3

’n Handleiding vir die aanbieder en werkboekies vir kinders en bevat:
♦  24 uitgewerkte programme van 30 tot 45 minute met speletjies
♦  saamgesels-Bybelstudies en visuele hulpmiddels

 
Só kan jy die Graad 1-3 materiaal gebruik:
Graad 1 – Eendag as ek groot is…
Graad 2 – Ken jy vir Jesus?
Graad 3 – Groei, Groei, Groei

Of gebruik die reeks as ‘n drie-jaar siklus vir Graad 1-3

Voorbeeldles
Eendag as ek groot is

Eendag as ek groot is… 
Ons droom oor eendag, dink oor gister en DOEN vandag!

"Eendag as ek groot is gaan ek 'n olifant wees!" “Eendag as ek groot is gaan ek ‘n  mamma en 'n juffrou wees en op naweke kan my man na die kinders kyk, dan is ek 'n ruimtevaarder." Ja, kinders kan ure omdroom oor "eendag as ek groot is". In hierdie reeks droom ons saam met die kinders oor wat hulle eendag wil word. Ons droom bv. daaroor om ’n natuurbewaarder te word en ontmoet vir Adam, of ’n bouer en ontmoet vir Nehemia. Ons droom daaroor om koning of koningin te word en leer ken die skone Ester, almal karakters in die Bybel ken by wie ons soveel leer. Maar ons bring ook die drome en die verhale bymekaar om saam te dink oor wat elke kind VANDAG kan kies, kan doen, kan glo. En weet dat dit is hoe ons, saam met God, aan ’n blink toekoms bou.

Eendag as ek groot is (plus CD en 5 werkboekies)
R 295.00

Eendag as ek groot is werkboekies
R 28.00

Eendag as ek groot is werkboekies - 35 en meer
R 26.00
Ken jy vir Jesus?
Is Hy jou Here, jou Herder, jou Koning?
Outeur: Chrissie Kritzinger
Ilustrasies deur: Magriet Brink

Hierdie reeks wil vensters oopmaak op wie Jesus is, wat Hy kom doen het, vertel het, hoe Hy lewens aangeraak het terwyl Hy op aarde geloop het, en hoe Hy dit steeds kan en wil doen. Op ‘n dieper vlak vra ons: “Ken jy vir Jesus?” en bedoel daarmee: Het jy ‘n persoonlike verhouding met Hom? Is Hy jou Here, jou Held, jou Koning? Is Hy die een na wie jy draai as jy bang is, bly is, dankbaar of hartseer is? My gebed is dat elke kind wat aan hierdie reeks gaan deelneem, ‘n dieper persoonlike verhouding met Jesus sal ontwikkel, sodat elkeen van hulle ook met blink oë van “My Jesus” sal kan praat…

Ken jy vir Jesus? (Plus CD en 5 werkboekies)
R 295.00

Ken jy vir Jesus? werkboekies
R 28.00

Ken jy vir Jesus? 35 en meer werkboekies
R 26.00


Groei, Groei, Groei 
Kyk hoe groei my liefde vir God groter en groter
Outeur: Chrissie Kritzinger
Illustrasies deur: Magriet Brink

Hierdie jaarreeks wil jong kinders toerus en inspireer om as kinders van God te lewe en die regte dinge te weet, kies en doen sodat hulle geestelik kan groei, groter en sterker, en sodat hulle blomme en vrugte kan dra wat hulle Here verheerlik.

In die eerste kwartaal leer ons meer oor die ingewikkelde en wonderlike werking van ons liggame, en hoe ons ook geestelik die regte kos moet eet, ons spiere moet oefen, ruggraat moet hê… Die tweede kwartaal maak ons ‘n draai in die diereryk, waar daar ook vele lesse te leer is oor hoe ‘n kind van God moet leef. Daarna kyk ons na die wêreld om ons: klippe en water, lug en weerpatrone, en besef: die hele aarde vertel ons van God! En leer ons meer oor hoe ons verhouding met Hom sterker kan word. En dan, as die jaar einde se kant toe staan, maak ons ‘n draai in die tuin: spit kompos in, dra water aan, snoei en baklei teen peste, en deel in die vreugde van blomme en vrugte. En deur dit alles, bid en glo ons, sal die kinders wat ons geestelik versorg voor ons dankbare oë groei, groei, groei!

Hettie Brittz skryf oor Groei, Groei, Groei:
Chrissie het ’n raar gawe om diep geestelike begrippe te gaan uitdelf en dan soos klaargeslypte diamante sommer saam met klei en kryte in vuil kinderhandjies neer te sit – sigbaar, voelbaar, skitterend. Haar materiaal is vol waarheid en werklikheid. Ek glo dat kinders en kinderwerkers weekliks hierna gaan uitsien, dat ouers wonderwerke in kinderhartjies gaan sien gebeur en dat grasgroen, welige geestelike groei hieruit gaan kom.

Groei, Groei, Groei (CD plus 5 werksboekies)
R 295.00

Groei-werksboekies
R 28.00

Groei-werksboekies: 35 en meer
R 26.00





Language / Taal

Kontak Ons

Werner en Tania Schultz
    
Adres:
Dramastraat 38
Somerset-Wes
7130
Suid-Afrika

E-pos:
Hierdie e-posadres word van Spambotte beskerm. Jy moet JavaScript ontsper om dit te lees.
    
Tel:
021 852 8645

Web:
http://kidsxpress.org

Kantoorure:
Maan-Vry: 08:00 - 13:00

Testimonials

Jonas Levendal, Youth Pastor, Coronation Ave Methodist, Somerset West
2015-09-25, 10:11
"I find the KidsXpress curriculum is fresh, easy, creative and simple to understand. I find it particularly good when working with a cross cultural and bilingual group of learners and facilitators, we’ve used it in our children’s church and adapted it for our Holiday Clubs and have had a good response from parents, team and children alike. I recommend it to you for your camps, youth groups, schools and children’s churches any place were children gather to learn more about God."
Sulet van der Bergh, NG Suider-Strand
2014-06-20, 11:22
Kinderpinkster is 'n groot geleentheid in ons Jeugbediening. Daar word vooraf hard beplan, dekor gemaak en versierings gedoen - ouers en kinders is ewe opgewonde om te sien watter avontuur ons hierdie jaar gaan beleef. . . En vanjaar is oud en jonk verras met 'n fantastiese reeks deur KidsXpress: Jesus sê: Ek is, ‘n Vakansie op die plaas! Kinders sowel as volwasse helpers het geleer wie Jesus sê HY IS en was verwonderd oor hoe maklik die plaastema dit vir almal gemaak het om te onthou. Ons gemeente het kosbare oomblikke saam beleef waar groot en klein die waarde van Jesus se identiteit beter kon verstaan. Ek is, want Hy is binne my!
André Kritzinger, NG Kerk Mosselbaai-Suid
2014-06-20, 11:21
Werner en Tania. Ek sê baie dankie vir die voorreg om die Jesus sê: Ek is-reeks te kon gebruik. Ek het dit in die plaaslike laerskool met ongeveer 700 kinders gebruik asook twee byeenkomste by die Curro privaatskool (150 graad 1-7's). Ek het by my eie styl en omstandighede aangepas, maar die hele konsep het wonderlik gewerk. Dankie vir die Ek-is-lied! Dit was 'n treffer. Ek kan KidsXpress aanbeveel.
Ds Abraham Viviers. Medeleraar: NG Gemeente Waterberg
2014-06-20, 11:19
Ek wil darem ook net dankie sê vir die materiaal en die groot werk wat julle doen. Ook net 'n bietjie terugvoer. Ek en my vrou is van die begin van 2012 in Waterberg Gemeente (Nylstroom/Modimolle). Ek is verantwoordelik vir die gesinsbediening in die gemeente en gevolglik het die Gemeente se Kinderpinkster ons verantwoordelik geword. Ons het die afgelope 3 jaar van julle materiaal gebruik gemaak. Kinders van die dorp (ook ander kerke) word uitgenooi na hierdie geleentheid en dit is 'n groot jaarlikse hoogtepunt vir die kinders. Ons het gedurende die pas afgelope pinkstertyd elke aand tussen 70 en 110 opgewonde kinders bedien! Die terugvoer wat ons gekry het, is dat selfs ouers gevra het dat ons asseblief net nooit moet ophou daarmee, want hulle sien die positiewe gevolge daarvan in hulle kinders. Die kinders blom in daardie tyd en hulle babbel sommer spontaan oor die dinge wat hulle leer en dit stimuleer sommer almal se deelname aan geloofsgesprekke in die huisgesinne!
Yolande Kruger
2013-11-03, 21:52
Enige jeugwerker of predikant wat al ‘n kinderbyeenkoms van begin tot einde self moes beplan en aanbied, weet hoeveel voorbereiding en tyd dit in beslag neem. KidsXpress se reekse is hierin vir ons ‘n groot hulp, want nie alleen is dit inhoudelik van hoë kwaliteit nie, die netjiese en weldeurdagte formaat maak dit heerlik gebruikersvriendelik. Die omvattende lys van benodigdhede en stap-vir-stap dagprogram by elke les maak dat geen aanbieder - hoe onervare ookal – oorweldig of onseker hoef te voel nie.

Ons Winkel

Mandjie is leeg